অপৈণত..🦋

ৰঙা নদী.. : অই , হিমাদ্ৰী.. শান্তনুৱে তোলৈ কিদৰে একেথৰে চাই আছে দেখিছ' নাই ?  শিৰিককৈ বিভাগীয় পুথিভঁৰালতোৰ মাজেৰে পাৰ হৈ যায় এজাক শাৰদীয় বা । চিম্পীৰ কথাত আৰ্ট পেপাৰত ৰং বুলাই থকা হিমাদ্ৰীয়ে মুৰ তুলি চালে । সচাকৈয়ে নতিদুৰত  বেঞ্চ এখনত বহিথকা শান্তনুৱে  দুগালত দুহাতেৰে ভেজা দি চাই আছে তাইৰ দিশেই! শান্তনুৰ সাগৰ গভীৰ দুচকুত চকু পৰাত লাজতে ঈষৎ ৰঙা হ'ল হিমাদ্ৰীৰ শুভ্ৰ দুগাল।  : তোৰ পাছততো কলেজৰ জি . এচ ডিৱানা , শান্তনুৰ মাজতনো এনেকুৱা কি বিছাৰি পালি তই ?  চিম্পীয়ে হিমাদ্ৰীৰ কান্ধত চিকুট এটা মাৰি কাণৰ কাষত ফুচফুচাই সুধিলে।  : আস্... দুখ পাইছো ! হিমাদ্ৰীৰে ৰং সনা ব্ৰাছডাল এৰি কান্ধখন মোহাৰি কলে।  : আয়ৈ চুবই নোৱাৰি , গোতেইজনী একেৱাৰে মমৰ পুতলা।  চিম্পীয়ে বিদ্ৰূপৰ সুৰত খিংখিঙীয়া মাতেৰে কলে।  : মা পাপাই কাহানিও মাৰি পোৱা নাই নেকি তোমাক? কাষতে বহি গোটা গোটা আখৰেৰে প্ৰাচীৰ প্ৰত্ৰিকাৰ বাবে প্ৰৱন্ধ টুকি থকা সীমাই সুধিলে এইবাৰ।  : দেউতাক মই ক্লাছ ছেভেনতে হেৰুৱালো। তেওঁ কোনোদিনে হাত তুলি পোৱা নাছিল মোলৈ। মায়েও মাৰি পোৱা নাই আজিলৈকে।  মাক দেউতাকে বৰ...