অপৈণত..🦋

  : গান্ধীজীৰ মতে  সদৰ্থক অৰ্থত অহিংসা মানে প্ৰেম। একাত্মতাৰ অনুভূতিয়েই হৈছে প্ৰেম। ই এনে এক শক্তি যি মনটোক পবিত্ৰ কৰি মানৱতাৰ উৎকৰ্ষ সাধন কৰে। ঘৃণা কৰাটো সহজ , কিন্তু প্ৰেমৰ বাবে এটা চৰম শক্তিৰ প্ৰয়োজন। গান্ধীজীয়ে কয় অহিংসা সবলৰ বাবেহে , আৰু হিংসা দুৰ্ৱলতাৰ পৰিচয়। ৰঞ্জন ছাৰে মহামানৱ মহাত্মা গান্ধীৰ অহিংসা নীতিৰ ব‍্যাখ‍্যা আগবঢ়াইছে। খুবেই মন দি শুনিছে সমগ্ৰ ক্লাছৰুমটোৱে। ছাৰৰ শিক্ষাদান পদ্ধতিৰ এক বিশেষত্ব আছে , যে তেওঁ এবাৰ যি বুজাব পোন পথেৰে সেয়াই শিকাৰুৰ মগজুত টোকৰ মাৰে। আৰু আজিতো ছাৰৰ ব‍্যাখ‍্যাই পৰম বিস্ময় প্ৰেমৰ কথা সাঙুৰি লৈছে। অৱশ্যে সেই প্ৰেম মহত্বৰ প্ৰেম ! সমীক্ষাহতে ভবাৰ দৰে সংকীৰ্ণ প্ৰেম নহয়।  এই প্ৰেম এক জটিল অনুশাসন। পৰোপকাৰীতা , ক্ষমা , উদাৰতা , সহানুভূতি , দয়া আদি সৎগুণ সামৰি লোৱা স্বৰ্গীয় প্ৰেম। :  ত‍্যাগ প্ৰেমৰ অপৰিহাৰ্য সংগী। প্ৰেমৰ কাৰণে নিজৰ স্বাৰ্থপৰতাক অতিক্ৰম কৰিবই লাগিব। স্বাৰ্থবিহীন লোকেহে প্ৰেমৰ প্ৰকৃত অৰ্থ বুজিব পাৰে। There is a famous quote by Gandhi that is,  " Love never claims, it ever gives. Love ever suffers, never resents never ...

 মাঘমহীয়া জাৰত থেৰেঙা লগা এটি পুৱা। ডাৱৰৰ ফাকেৰে বেলিৰ লুকাভাকু। ৰ'দ বিছাৰি হাবাথুৰি খাইছে চহৰখনৰ তৃণ ,  বৃক্ষবোৰে। কুৱলীৰ চনকা জালেৰে সৰিছে নিয়ৰ.. ৰুণজুন , ৰুণজুন! শিৰিককৈ এজাক সমীৰ আহি বৃদ্ধি কৰিছে শীতৰ প্ৰকোপ। সমীক্ষাহতক চতুৰ্থ ষাণ্মাষিকৰ বাবেও প্ৰদান কৰা হৈছে RCC 303 নং কোঠা। এই ক্লাছৰুমটোলৈ কিবা এটা মোহ সোমাই গৈছে তাইৰ মনত , ইয়াৰ প্ৰতিখন বেঞ্চেই জানে তাইৰ মনৰ গোপন বেধা! বাইকষ্টেণ্ডত আজিও সেই নিৰ্দিষ্ট ঠাইখিনিতে আছে বিশেষ নাম্বাৰ প্লেটৰ বাইকখন।  বৰ্ণম এতিয়া আনৰ যদিও তাৰ কথাই অহৰহ ভাবি থকাৰ বাবে অনুশোচনাও হয় তাইৰ বাৰে বাৰে। নাই , কোনো আৱেগেই অবৈধ হব নোৱাৰে। সম্বন্ধৰ ক্ষেত্ৰতহে বৈধতাৰ প্ৰশ্ন তুলিব পাৰে সমাজে। ভালপোৱা ভুল হব নোৱাৰে কেতিয়াও.. প্ৰেম  পাপ হব নোৱাৰে কোনোদিনেই। চিৰিয়েদি ওপৰলৈ উঠি যাওঁতে ঠিক 201 নং কোঠাৰ ওছৰতে বিপৰীত দিশৰ পৰা বন্ধু বৰ্গৰ সতে বৰ্ণমক অহা দেখিলে তাই। তাৰ মুখত অকৃত্ৰিম হাঁহি... বৰ্ণম সুখী।  ভাল কথা, সি ভালে থকাতোৱেই তাইৰ একান্তই কাম‍্য। সন্ধিয়া থাপনাত চাকি লগাওতে কোনোদিনে বৰ্ণমৰ কুশল প্ৰাৰ্থনা কৰাত কৃপণালি কৰা নাই সমীক্ষাই।  বৰ্ণমৰ ...

 ৰীতা চৌধুৰী বাইদেউৰ দেও লাংখুই শীৰ্ষক উপন‍্যাসখনৰ এপৃষ্ঠাত আছে ,  " হিয়াৰ আমঠু কাঢ়ি লৈ গলে মানুহ জানো জীয়াই থাকিব পাৰে ? " সচাই মাথো উশাষৰ উঠা নমাইটো জীয়াই থকা নুবুজাই। মৃত্যু প্ৰকৃততে জটিল নহয় , জটিল জীৱিত অৱস্থাত পোৱা মৃত্যু সম যাতনাহে। জীৱন যাপন সহজ , কঠিন উদযাপনহে! চাটলিষ্টৰ পৰা মানুহ আতৰাব পাৰি , হৃদয়ৰ পৰা যে নোৱাৰি কোনোপধ্যেই। ভালপোৱা যে কেতিয়াও একেবাৰে শেষ হৈ নাযায়।  "জানো নহয় মোৰ সমান , মোৰ দৰে তোমাক কোনেও ভাল পাব নোৱাৰে" এইকথাটোত সমীক্ষা সাংঘাতিক অহংকাৰী।  : সমীক্ষা সোনকালে আহা । পাচমিনিটতে আৰম্ভ হব পৰীক্ষা। RCC 301 নং কোঠাৰ ওছৰতে খোজ ৰৈ যোৱা সমীক্ষাক 303 কোঠাৰ দুৱাৰমুখতে ৰৈ থকা পপী বাইদেৱে মাতিলে , তেওঁ নতুনকৈ জইন কৰিছে দৰ্শন বিভাগত।  সমীক্ষাৰ ছোন সেই ৰুমটোলৈ যাৱলৈ সাহস হোৱা নাই। বৰ্ণমৰ সতে মুখামুখি হবলৈ মানসিক ভাৱে সাজু নহয় যেন সমীক্ষা। অনিচ্ছাসত্বেও খোজৰ গতি খৰ কৰিলে তাই। ক্লাছ ৰুমটো ভৰি আছে ষ্টুডেণ্টেৰে। প্ৰতিখন বেঞ্চৰে দুটামুৰত দুজনকৈ বহিবলৈ দিয়া হৈছে। খালী হৈ আছে মাথো এটা ছিট্। তাকো বৰ্ণমৰ আগৰ বেঞ্চখন , তাতে আকৌ বেঞ্চখনৰ আনটো মুৰত বহি আছে অৰুণ। ন...

  জে বি কলেজৰ এটি নতুন পুৱা , ছেছ'নেল পৰীক্ষা সমাগম।  : শুণছোন আজি কালি ভালকৈ টোপনি নাহে মোৰ। একেখন বেঞ্চতে বহি থকা ৰিতিষ্ণাই  কলে । : কিয় ? বেছি টেনছন লৈছ' নেকি কিবা কথাত ? : এছাইনমেণ্ট ৰেডি হোৱা নাই , ছেছ'নেলো পালেহি। আৰু ছেছ'নেলৰ পৰা ফাইনেললৈ নো কিমান দিন? সেইবোৰ চিন্তাতে ছাগৈ ।  : ইমান চিন্তা নকৰিবি । Utube টো খুলি  Tibetan Flute শুণিবি শোৱাৰ আগত , ভাল টোপনি আহিব তেতিয়া , ইনছ'মেনীয়া হব নহলে .. : ট্ৰাই কৰিব লাগিব। : উম , কৰিবি। ৰিতিষ্ণাক হাঁহি এটি উপহাৰ দি এপাক শেষৰ বেঞ্চৰ ফালে ভ্ৰমি আহিল সমীক্ষাৰ সন্ধানী দুচকু । আজি নিদিষ্ট বেঞ্চখনত অনুপস্থিত বৰ্ণম । ক্লাছটো আৰম্ভ হবই এতিয়া ... নাহিব নেকি বাৰু সি? " কলেজ নাহা নেকি আজি ? " বৰ্ণমলৈ মেছেজ কৰিলে , সিপাৰে সি অফলাইন। : ফ্ৰেচাৰসকল অহাৰ প্ৰায় দুমাহ হল । তোমালোক চিনাকি হব লাগিছিল নহয় সিহতৰ লগত । দ্বিতীয়টো মেজৰ ক্লাছৰ ৰেজিষ্টাৰ কৰি নীৰা বাইদেৱে কলে । : সচাকৈয়ে বাইদেউ । সদায়ে ক্লাছবোৰৰ প্ৰতি উদাসীন লাষ্টবেঞ্চাৰছ্ সকলে উৎসাহেৰে কলে । আগৰ ফালে বহি থকা প্ৰতিজন শিক্ষাৰ্থীয়ে সিহতলৈ উভতি চাই হাঁহিলে মুখৰ ভিতৰতে। :বলা আ...

  :  হয় বাইদেউ কওঁক । ভয়ে ভয়ে কলে সমীক্ষাই ।  : কালিলৈ চেন্ট্ৰেল টিচাৰচ্ মীট আছে আমাৰ । সেয়ে তোমালোকৰ ক্লাছবোৰ নহয় । মই তোমাক দায়িত্ব দিছো হা... খবৰটো যাতে সকলোৱে পায় । " ছেহ্...." মুখেৰে উলাব খোজা হুমুনিয়াহ টো কোনোমনে বাধা দিলে সমীক্ষাই ।  : ঠিক আছে বাইদেউ ।   সাধাৰণতে এই গৰমৰ দিনকেইটা একেলেধাৰিয়ে ক্লাছ বোৰ কৰি আমনিও লাগে সিহতৰ । একেধৰণৰ এটা দুটা বিৰতি ভাল পাই সকলোৱে । তথাপি আজি ভাল নালাগিল সমীক্ষাৰ । কতহা দিনৰ পাছত তাই কথা পতাৰ পৰিকল্পনা কৰিছিল বৰ্ণমৰ সতে .. কিন্তু ! মনৰ মাজতে কথাবোৰ ভাবি ভাবি WhatsApp খুলি সকলোকে জনাই গৈছে ক্লাছ কেনচেল দিয়াৰ খবৰটো । ফুৰ্তিত কৱ নোৱাৰা হৈছে সকলোবোৰ । গেটৰ সন্মুখত কৌশিকক দেখি লুকাব পৰাকৈ তাৰে মাজতে ছাটিতোও মেলি লৈছে তাই ।  : বৰ্ণম কালিলৈ আমাৰ ক্লাছ নহয় ।  বৰ্ণমলৈ মেছেজটো চেণ্ড কৰে মানে টেম্পু ষ্টেণ্ড পালেহি তাই ।  প্ৰায় পঞ্চম শ্ৰেণীৰ পৰাই একেখিনি টেম্পুতে অহা যোৱা কৰাৰ বাবে টেম্পুৱালা দাদা কেইজনৰ বাবেও প্ৰায় চিনাকি হৈ পৰিছে সমীক্ষা। সেয়ে ক'ত যাব সুধাৰ প্ৰয়োজনবোধ নকৰে তেওঁলোকে । মাথো আঙুলিয়াই দেখুৱাই দিয়ে কোনখ...

 আজি জে বি কলেজলৈ বৰ্ণম উভতি অহাৰ তৃতীয়টো দিন । এতিয়ালৈকে সমীক্ষাৰ ভালকৈ কথা পতা হোৱা নাই তাৰ সতে । মনতে পৰিকল্পনা লৈছে তাই নোটখিনি লিখি হলেই বৰ্ণমৰ সতে পাতিব বহু কথা , বহীখন দিয়াৰ অজুহাত লৈ ... ! কৰবাট অলপ সুৰুঙা পালেই সমীক্ষাই মেলি লয় বহীখন । কেতিয়াবা যদি কমন ৰুমত , কেতিয়াবা লাইব্ৰেৰীত । কালি আনকি কেণ্টিনতে উলিয়াই লিখিবলৈ লৈছিল তাই । জ‍্যোতিময়ে দেখা পাই জোকাই থৈ গৈছে। " ইমান চোকা ছোৱালীয়ে যদি এনেকৈ পঢ়িবলৈ হয় , আমাৰ কি হব আৰু ।"                                 ******* : কি কৰি থাকা এনিটাইম । টেবুলখনৰ পৰা ডাষ্টাৰটো লৈ মৃদুকৈ সমীক্ষা বহি থকা বেঞ্চখনত থেকেচা মাৰি কলে বৰ্ণমে । সৰুৰে পৰা সমীক্ষাই অলপ ডাঙৰ শব্দ শুণিলেই শ্বক খাই যায়। সেয়ে কোনো স্কুলীয়া বান্ধৱীয়ে তাইৰ নাম দিছিল " মিনি হাৰ্ট এটেক" । আজিও পটকৈ ভয় খাই গল তাই... জীৱটো ঢিপিংকৈ যোৱাৰ দৰে !  : কি হল বৰ্ণম ?  অফ পিৰিয়ডটোত বৰ্ণমৰ বাবে নোট কপি কৰি থকা বহীখন লুকুৱাই সমীক্ষাই সুধিলে । ক্লাছৰুমত তেতিয়া সেৰেঙা লৰা ছোৱালীৰ উপস্থিতি।  ডাষ্...

 ((আজি চুটি হোৱাৰ বাবে আগতীয়াকৈ ক্ষমা বিছাৰি মৰম দিলো সকলোকে ❤️)) দেওবাৰে টিউটনলৈ চাইকেল লৈ নাযায়েই সিহত । যিহেতু খৰধৰকৈ উভতি আহি স্কুল যাবলগীয়া নাথাকে সেয়ে সেই বিশেষ বাৰটো একেলগে খোজকাঢ়ি উপভোগ কৰে সকলোৱে। :ক্লাছত কিয় নামাতা মোক ?  টিউচনৰ পৰা ঘুৰি আহোতে বৰ্ণমক আগভেটি সুধিলে সমীক্ষাই ।  : তুমিযে ভালনোপোৱা মোক ...যদি প্ৰেমিক নহয় তেন্ত so called good friends হৈয়ো থাকিব নোৱাৰো তোমাৰ সৈতে । বৰ্ণমৰ সিদ্ধান্ত আছিল সেয়া...  হয় ভালপোৱা অন‍্যথা এতিয়াৰ পৰা দুয়ো অচিনাকি। সিযে তেতিয়ালৈকে বগুৱা বাই গৈছিল তাইৰ হৃদয়ৰ গভীৰৰ পৰা গভীৰতম কোণলৈ ।  : কিন্তু ময়ো যে ...   কিবা এটা কৱ খুজিও জীভা কামুৰি ৰৈ যায় সমীক্ষা।  : ইমানদিনে জ্বলাই মাৰিলা মোক..! অভিমান সামৰি হাঁহি এটা মাৰি কলে বৰ্ণমে । সুখৰ ভৰ সহিব নোৱাৰি পৰি যাব যেন সি এতিয়া সেইখিনিতে । সমীক্ষাৰ অসম্পূৰ্ণ কথাষাৰ মনৰ মাজতে সম্পূৰ্ণ কৰি লৈছে সি । নিৰবতাৰ ভাষা ধ্ৰুপদী । বিন্দু মান অনুতাপো হৈছে সমীক্ষাৰ । মাকক নজনোৱাকৈ অথবা তেওঁৰ অনুমতি নোলোৱাকৈ লোৱা এইটোৱেই যে প্ৰথম সিদ্ধান্ত তাইৰ  জীৱন পৰিক্ৰমাত ।  : পঢ়াটো ক...

 আজি জগন্নাথ বৰুৱা মহাবিদ্যালয়ৰ সাধাৰণ নিৰ্বাচন। গেটৰ সন্মুখত নানাৰঙী পোষ্টাৰ । প্ৰাৰ্থীসকলে ডিঙিত গামোচা আৰি হাতত চফৰ বটা লৈ শেষ বাৰলৈ জেবিয়ান সকলক ভোট বিছাৰি অনুৰোধ কৰিছে চৌদিশে ।  : মনত আছে নহয় মোৰ নামটো ।  লীমা আৰু ৰিতিষ্ণাৰ সতে কমাৰ্চ বিল্ডিংৰ বাটচৰাত ভোট দিবলৈ লাইন পাতি আছিল সমীক্ষাই । কৌশিকে তাইলৈ বটাতো আগবঢ়াই কলে । : আছে দিয়া । তাই চফ কেইটামান লৈ কলে । : কৌশিক is so cute naa !  সি আতৰি যোৱাৰ পাছত  ৰিতিষ্ণাই ফুচফুচাই  কলে । লীমাই মুখ টিপি হাঁহিলে ..সমীক্ষাৰ মন নগল অলপো হাঁহিবলৈ।     পচণ্ডৰ প্ৰাৰ্থীকেইজনক ভোট দি তাই মেইন বিল্ডিংলৈ আহি লাইব্ৰেৰীৰ দিশে গ'ল । উপন্যাস এখন পঢ়িবৰ মন গৈছে তাইৰ... ৰুগীয়া বাস্তৱক এৰাই চলিবলৈ তাইক প্ৰয়োজন হৈছে কল্পনাৰ পৃথিৱীৰ এসোপামান চৰিত্ৰৰ । অনুৰাধা শৰ্মা পূজাৰী ৰ " হৃদয় এক বিজ্ঞাপন " খনেই নিৰ্বাচন কৰিলে ।    ৰ'দজাকে ডেই পুৰি নিছে সকলোকে। চাটিয়েও বছাব নোৱাৰাকৈ আগষ্টমহীয়া উৎকট গৰম । কমন ৰুম পাই টাৱেলখনে মুখ মচি অলপ বহিলে সমীক্ষা । গৌতম বুদ্ধই কোৱা 'প্ৰিয় বিচ্ছেদ ' দুখে পলে পলে দহিছে তাইক । তেৱোতো গৈছি...

  স্নাতক তৃতীয় ষান্মাসিকৰ প্ৰথমটো দিন.. বৰ্ণমবিহীন জে . বি কলেজ। সমীক্ষাৰ সন্মুখত এয়া এক নতুন প্ৰত‍্যাহ্বান । কলেজ গেটৰ সন্মুখতে উজুতি খালে সমীক্ষাই । এইখিনিতেইটো আছিল এজাৰজোপা...কত গ'ল ? তাৰমানে বৰ্ণমৰ স্মৃতি বিজড়িত সকলোবোৰ বস্তৱেই আতৰি গৈছে তাইৰ কাষৰ পৰা এটা এটাকৈ। জগন্নাথ বৰুৱা মহাবিদ্যালয় সলনি হৈছে জগন্নাথ বৰুৱা মহাবিদ্যালয় স্বতন্ত্ৰলৈ । চিৰসেউজ কলেজ খনৰ বাকৰিত মুঠি মুঠি জীয়নীয়া সপোন আৰু অনুসন্ধিৎসা লৈ আগমন ঘটিছে হাজাৰোধিক নৱাগতৰ ... এজাক সম্ভাৱনাময় যুৱ উদ‍্যমৰ ! এতিয়াৰ পৰা একাংশৰ বাবে আনুষ্ঠানিকভাৱে অগ্ৰজ সমীক্ষা হত । সিহতৰ কৰ্তব‍্য নতুন খিনিক এটা সুস্থ আৰু বন্ধুত্ব সুলভ পৰিবেশ দিয়াৰ । বাইক ষ্টেণ্ডৰ দিশে আজি চোৱাটো নিৰৰ্থক.. তথাপিও অভ‍্যাসবশতঃ কেৰাহিকৈ সেইদিশে পৰিভ্ৰমণ  কৰিলে সন্ধানী দুচকু তাইৰ .. আজি যে তাত সেই বিশেষ নাম্বাৰ প্লেটৰ বাইকখন থকাৰ শূণ‍্য শতাংশ সম্ভাৱনাও নাই । নটিচ বৰ্ডত মেজৰ ক্লাছৰ বাবে এল'ট কৰা ক্লাছ ৰুমটো দেখি চকুজুৰি সেমেকি গল তাইৰ ... RCC 303 । এইটো কোঠাতেই যে এটা শতিকাৰ অন্তত দেখিছিল বৰ্ণমক । সেই সময় আজি হাততে হেৰাল। এবাৰ যদি উভতি আহিলাহেতেন তু...

  :ভাল পাঁও তোমাক । দলংৰ পাৰখন তেতিয়া তিতাই ৰাখিছিল শিলমু তুলাৰ শুভ্ৰ পাহিয়ে । একেটা স্পীডত আহি আছিল দুখন চাইকেল , এখন হিৰ' আনখন মিছ ইণ্ডিয়া । হৰ্থাৎ বৰ্ণমে কোৱা কথাষাৰত পেডেলৰ পৰা সৰি পৰিব খুজিলে তাইৰ ভৰি এটা ।  : কি হল একো নকলা যে ।  বৰ্ণমে পুণৰ কলে । সমগ্ৰ টিউচন চেণ্টাৰতোতে কাৰোৰে বাবে হয়তো অজান নাছিল দুয়োৰে মনৰ কথা ।  তথাপি কিয় একো কব পৰা নাই সমীক্ষাই । দুয়োজনী জীয়াৰীক সম্পূৰ্ণ বিশ্বাস কৰা মাকৰ মুখখন ভাহি আহিল মনত । : কিবা এটা  কোৱা ... আকৌ এবাৰ কলে বৰ্ণমে । অজানা শংকাত দুগাল ৰঙা পৰিল সমীক্ষাৰ। : অলপ সময় দিবানে মোক ?  সেপ ঢুকি কলে তাই । : Fine ! বৰ্ণমৰ মাতষাৰত লাগি থাকে কিছু অভিমান কিছু কঠোৰতা                                ******** সমীক্ষা আৰু পঞ্চীৰ ফাইনেল পৰীক্ষা একেদিনাই আৰম্ভ হৈছিল । সমীক্ষা ৰ কালি পৰীক্ষা শেষ হৈছে আৰু পঞ্চীৰ আজি আগবেলা আছে শেষৰতো পৰীক্ষা ন' বজাৰ পৰা বাৰ' বজালৈ । বায়েক পৰীক্ষা লৈ ওলাই যোৱাৰ পাছত বাৰাণ্ডাতে বহি সমীক্ষাই পঢ়ি আছে ৰীতা চৌধুৰীৰ 'এই সময় সেই স...

 পুৱা পাচবজাতে তিনিআলিত ৰোৱা নাইট ছুপাৰ খনৰ পৰা নামিল পঞ্চী সমীক্ষাৰ দেউতাক । দুয়োজনীয়ে আগবঢ়াই নিবলৈ নামঘৰৰ ওছৰ পালেহি । লগত মিমু মিকু ...সমীক্ষা পঞ্চীৰ দৰে সিহতৰো ফুৰ্তিৰ অন্ত নাই যেন । কেতিয়াবা দুয়োজনীৰ আগে আগে , কেতিয়াবা পাছত গৈছে । দুৰ্বোধ‍্য ভাষাৰে কথাও পাতিছে দুয়োটাই । দেউতাক অহাৰ লগে লগে সলনি হৈ যায় সমগ্ৰ ঘৰখনৰে পৰিৱেশ । সিহতে যে নিছেই কমদিনৰ বাবেহে লগ পাই তেওঁক । বয়স পাহৰি আকৌ সেই কণমানি ছোৱালী দুজনী হৈ পৰে যেন । সৰুতে যে দেউতাকৰ মাতষাৰো শুণা নাপায় সিহতি । এতিয়াহে ফোনতোৱে বহুদুৰ কাষ চপাই আনিছে সকলোকে । দুৰত থাকিও কাষতে পোৱাৰ দৰে । আগতে যে দেউতাকৰ চুটিৰ শেষত কিমান কান্দিছিল দুয়োজনীয়ে..তথাপি জানো এজন প্ৰতিৰক্ষা বিভাগৰ কৰ্মীয়ে নিজৰ কতৰ্ব‍্য পাহৰি হেৰফেৰ কৰিব পাৰে এদিনৰো চুটি । বহুতে মাকক উপদেশ দিছিল দেউতাকৰ লগত চাকৰিৰ ঠাইত  থাকিবলৈ । কিন্তু মাকৰো অটল সিদ্ধান্ত ...বছেৰেকৰ মুৰে মুৰে টেঞ্চফাৰ সুত্ৰে সলনি হব দেউতাকৰ কৰ্ম স্থান । তেওঁ বুজিছিল ছোৱালী দুজনীক বাৰে বাৰে স্কুল ,বন্ধু সলনি কৰিলে হয়তো সমস‍্যা হব পাৰে পৰিবেশৰ সৈতে খাপ খাবলৈ । : দেউতা ... দুহাতে দুটা বেগ ডাঙি অনা দে...